NASKAH PAKELIRAN PADAT - Pembelajaran Sederhana

DEWA RUCI

Keterangan : iringan sampak sl nem. Kayon dibedhol, lalu bratasena berhadapan dengan drona. Iringan suwuk, dilanjutkan ginem.

Ginem :

DRONA

Anakku ngger Bratasena. Ananing sampurnaning dumadi iku kudu den upadi kanthi anut mlebu metuning napas. Mula saka iku, golekana sing di arani kayu gung susuhing angin.

BRATASENA

Wa.... kayu gung susuhing angin mapaning ana ngendi Drona bapakku ?

DRONA

Mapane aneng Gunung Candramuka. Mula enggal unggahana ngger.

BRATASENA

Wa... iya ngestokake dhawuhmu Drona guruku

Keterangan : iringan sampak. Bratasena keluar. Dilanjutkan adengan Bratasena mlumpat. Iringan menjadi Lcr. Kandhang Bubrah Sl. myr. Bertemu dengan rukmuka dan rukmakala. Iringan suwuk dilanjutkan ada – ada, lalu ginem.

ADA – ADA SRAMBAHAN SL NEM

Bima wangwang kunta kombul,

Patang kethi kang syonggangkara,

Gadanira mobat mabit, o..

Mulat bang halingak – linguk,

Sumbar hanguwus lawan, o....

Ginem :

RUKMAKA

E .e .e . Ana manungsa kuma wani mlebu alas kang dadi sengkeraning buta.

RUKMAKALA

Wa. Ayo enggal di kemah – kemah daginge, di sesep balunge kang.

BRATASENA

Wa.... kowe buta sakloron ngaliyaaja dadi pepalangku. Aku ora arep ganggu gawe. Aku mung nggoleki kayu gung susuhing angin.

RUKMAKA

Wa, ngayawara. Aku rukmaka lan adhiku rukmakala salawase ana kene ora tau weruh sing aran kayu gung susuhing angin.

RUKMAKALA

Kowe manungsa kewanen. Sapa kang dadi aranmu hemb ..?

BRATASENA

Wa... satriya panegak pandhawa, Bratasena aranku. Ora gelem minggat dhak jangkah manjinga yomaniloka.

Keterangan : iringan srepeg sl nem. Adegan Bratasena perang dengan Rukmaka dan rukmakala. Kedua raksasa kalah, iringan menjadi sampak. Badar Bathara Endra dan Bayu menjadi ayakl sl nem. Lalu suwuk dilanjutka pathetan nem jugag, lalu  ginem.

PATHETAN NEM JUGAG

Hanjrah ingkang puspita rum,

Kasliring samirana mrik, o...

Sekar gadhung,

Ko – ngas, gandanya,

Maweh raras renaning driya.

o.., o.., o.., o...

Ginem :

ENDRA

Oum ilaheng sekareng bawana langgeng. Putuku ngger bratasena.

BRATASENA

Wa.., sapa kowe teka ngejawantah ana kene ?

ENDRA

Wruhanana ngger ulun Bathara Endra lan Bathara Bayu kang ngejawantah.

BRATASENA

Hem... Endra kakekku lan Bayu bapakku. Basaku wae katura.

ENDRA

Iya ngger dhak tampa.

BAYU

Iya ngger dhak tampa. Pangestu ulun wae diage tampanana.

ENDRA

Mangertiya ngger, lelakonira wus ulun temaha.  Kang sira upadi kang aran kayu gung susuhing angin, iku sejatining ora ana. Kang ana ya kuwi kasantosan budinira. Kang mahanani giliking tekad temah badar mrih sampurnaning lelakon iki. Mula saka bungahing ati ulun, iki tampanana pusaka kang awujud ali – ali kang aran mustika manik candrama. Tumuli anggonen ngger.( sampak, sirep )

BRATASENA

Wah. Banget panarimaku anggonku diparingi pusaka iki.

ENDRA

Wruhanana ngger,  daya katyiasane pusaka kuwi, jeneng sira ora bakal kelem ana ing warih.

BAYU

Yen mangkono ulun amung muji mring jayanira ngger. Muga antuka basuki.

ENDRA

Ulun kondur mang kayangan ngger.

Keterangan : sampak sl nem, endra dan bayu dientas. Iringan menjadi ayak ketika bratasena bertamu dengan drona. Sirep lalu ginem.

BRATASENA

Wa. Drona bapakku. Aku durung antuk karya, ananging aku malah bisa ketemu kelawan  bathara endra kakekku lan bathara bayu bapakku.

DRONA

Ow. Ngono ngger. Yen mangkono iku jeneng durung sampurna anggenira nuhoni kekarepanira.

BRATASENA

Wa.. banjur kepriye ? supaya aku oleh kasampurnaning urip.

DRONA

Mangkene, iki ana srana maneh. Upadinen banyu perwitasari kang mujudake banyu suci panguripaning manungsa. Sapa kang kadunungan banyu mau, ing kono dhewekke bisa ngrasakake urip kang sejati. Banjur mapane ana ngendi bapa drona?

DRONA

Mapane ana inmg segara minangkalbu. Dumunung ing sakidule alas mrentani.

BRATASENA

Wa. Yen mangkono aku njaluk pamit. Yenta aku ora bisa bali, iki munangka sembahku kang pungkasan bapa.

DRONA

Ow. Aja nglokro ngger. Den tetepi ancas sekawit, kandelana kapitayanira. Pamujinipun bapa tansah banyu mili ngger.

Keterangan : Iringan sampak nem, bratasena berangkat. Adegan segara. Lalu ada – ada, dilanjut pocapan. Wrekodara mlumpat manyura.

Manganjur lakuning angin,

Guntur angraning arga.

POCAPAN

          Lah ing kanata wau, Raden Bratasena wus prapta gisiking samodra. Genge sedya kapambengi dening segara jembar kang tanpa wates. Satemah ngadeg njegreg datan mobah datan mosik yayah tugu waja sinungkarta. Geter kang sarira, miris njroning ati, dupi mulad ombak kang nggulung – nggulung mecah ing watu karang, gumuruh swaraning alun mimbuhi girising tekad.

          Satemah tidha – tidha jroning ati, anane amung rasa wedi kang mambengi. Nanging dumadakan saka pamantheng ing cipta, panggemblenging ati weh santosaning budi, amung Gusti kang esthi, sumarah marang purbaning Hyang Akarya Jagad, kanthi nuhoni tekad suci, gya hambyur jroning segara, gumuruh swarane kaya guruh mangsa rendheng.

Keterangan : werkodara njegur segara, bertamu dengan naga taksaka. Lalu naga dipothol. Menjadi dewa ruci. Iringan menjadi ayak manyura. Disirep, Lalu ginem.

BRATASENA

Hem... aku wis mati apa durung. Hem... bapa pandu aku pathuken.

DEWA RUCI

Aum ilaheng sekareng bawana langgeng. Ngger , bratasena.                                  ( bratasena ndegeg )

BRATASENA

Kowe sapa? Wujudanmu mung sakepel.

DEWA RUCI

Lungguha kang prayoga. Bakal ulun jarwani.

BRATASENA

Geneya aku kudu manut marang ucapmu. Lan apa kowe ngerti marang sejatiku?

DEWA RUCI

Aja ta kok mung sejatinira, sakdurunge purwaning dumadi, ulun wus nyurubi. Lan pamriha kowe dumadi ana ing donya nganti mbesuk aneng ngendi parane, ulun wus nyurubi. Sira iku atmaja narendra astina Prabu Pandudewanata.  Tekamu ana kene karana paekane gurunira begawan Drona. ( sampak menjadi ayak sl myr. )

BRATASENA

Adhuh pukulun. Kula bratasena nyuwun gunging pangaksama. Paduka sinten? Kula nyuwun paduka jarwani.

DEWA RUCI

Ulun wewisik dewa ruci. Dene lamunta jeneng sira kepingin nyumurubi ghelaring ulun lan jenegkita pribadi, tumuli manjinga karna ulun kang sisih kering.

BRATASENA
hem.. punapa saged pukulun ? bebasan gajah tunggal sajiwa kaliyan semut.

DEWA RUCI

Kapitayan kang gedhe, yenta diesthi kanthi tumemen, bakal bisa ngukut jagad saisine.

BRATASENA

Hem.. nggih ngestokaken dhawuh.

( sampak medal dadi wrekodara. Lalu dewa ruci menjadi satu dengan wrekodara. Semar datang.)

SEMAR

Heh. Ampun kerem lan kapilut dening swasana gus. Mangga enggal jugar.( sampak perang kurawa)

DURYUDANA

Endi, bapa drona dhak jaluk. Bapa drona duwekku.( sampak . kurawa habis. Wrekodara menggendhong drona. Dan tancep kayon.)DEWA RUCI